المراه محور حياتي

بسم الله الرحمن الرح

المراه محور حياتي في رحله الايام وهي صبحي ونهاري والاحلام المراه هي السلام والامن لبلادي وهي امي

وحماتي وام اولادي وهي اختي وبنتي ومنها احفادي كفايه ان الاله وهبني بيها الحياه وجعلها في دنيتي زادي
وزوادي

من يوم ولادتي انا من صدر امي رضعت رضعت حب الوطن وفي حضنها اتعلمت مدت بصرها طريق جريت عليه ولعبت وان مره صابني التعب او بالتعب سلمت تفرش حرير حضنها وفي ضوء حرير قلبها مددت جسمي ونمت
واصبح على صبحها بالبشر والبسمه وعرفت من وحيها الود والرحمه فقالتلي انطق نطقت وقولت واتكلمت وجوزتني حبيبتي وقلبها راضي وحببتني في زوجتي ام اولادي على عكس قول النكت طبع الحمى حامي تكره مرات ابنها ونفسها تذلها تفتن عليها ابنها وده مش صحيح طبعا حماتي بتحبني ماهي ست اولادي وزوجتي هي السكن في عشها الهادي

ما كنش فيه مشكله بين الولد والبنت والمراه هي الوطن من بدا تكويني وهي عند الخطر تصمد وتحميني وهي عند المرض تمرض وتشفيني واحلفلكم بديني ان النساء عندنا زي الرجال واكتر والى يقول غير كده عايز يشعلل نار بين الرجال والنساء ويفتت الاسره ويبث روح العداء وبسهمه يرميني يالى تحب الوطن روح للعدو وقوله المراه هي المدد للمجتمع ووجودها يقويني

المراه في المجتمع معروفه دنيا ودين والمسلمين والنصارى كلهم عارفين المراه ليها دور كبير في النهضه بالاوطان وكتير من الامثله مذكوره في القران بلقيس في ارض اليمن وام المسيح مريم معنى الكلام حقها ادهلها الاسلام لكن غياب وعيها وغياب رجال الدين خلوها مستهدفه من ناس لئام ملاعين يا مسلمين يارجال الدين حاربو المخطط انتو ليه ساكتين المراه متغيبه متغيبه بتفانين افلام....... اغاني........ وموضه صدرها عريان والادهى من ده وده الفلاحات روخرين الفلاحات عندنا بالاعلانات سارحه سابت جدورها وسابت لفه الطرحه وما فيش ربايه طيور وبتشتري الفرخه والبيض بقينا نجيبه من بره بالكراتين يا مسؤلين في الشعوب المراه رايحه لفين فين دورها في التربيه سايبه الشباب ضايعين فين دورها في التنميه بتجيب شكك فساتين جاوبوني يا اهل المرؤه والادب والفن
هو الغلط منها ولا الغلط من مين

فين المراه وفين ايامها زي زمان

كانت المراه حافظه قيمتها كانت راعي لبيتها اي عظيم كان تربيتها كانت عارفه عيالها امانه لكن كانت مش عجبانا
جاهله الموضه ومش ولهانه عاوزين واحده تمشي معانا ونرويها لفلان وفلانه
فين المراه وفين ايامها زي زمان

كانت الحشمه باينه عليها من توبها ما تبانش ايديها مش نناسي ولا هيفا اسم الله عليها نص جسدها صبح عريان
فين المراه وفين ايامها زي زمان

كانت برده تربي طيور راخر جوزها يعيش مسرور لو تعبان في البيت يرتاح ايها مراه عندنا كانت مصدر خير وامان فين المراه وفين ايامها زي زمان

هي غلطانه جريت ورى الموضه مشيت نص عريانه والكل شايف وساكت وانت مش داري طرح الشرف والقيم معروض على الشاري والكل باع وانتهى والى فضل عاري ومنين اجيب ناس تفسر معنى اشعاري داري على بلوتك يالى ابتليت داري

الياس مش مطلوب اسمع يا اخي شعبنا مغلوب علشان ولاه امرنا راكبين شعوبنا ركوب والدنيا حالها كده كلها بالمقلوب ولا حد قادر يقول كلمه تبل الريق والفن ولا الادب ساب الطريق بطريق ومبوظين الفنون والرسم بالشخابيط بنشوف لوحات شخبطه متعلقه على الحيط وان قولت دي شخبطه ما اعرفش معناها هيقولوا جاهل صحيح او بالقلبل ده عبيط ولا على راي نانسي شخبط شخابيط ولخبط لاخبيط

والاغاني كمان تخبيط بغطي الحلل وكانهم طرشان وحاجات تصم الودان وتهيج الفتيات وبنات عرايا بتوحي للشباب ايحائات والاعلانات كلها بالغمز والتنطيط

اللوم على الاعلان بيروجوا الفتن والحرب على الاسلام ما اعرفش ان كان غباء ولا عميل اخد كام ما تقولنا يا عم الى حنا فيه ده من ايه ما تكونش عارف وخايف من ولاد الايه

والى اللقاء في الوزارات الالكترونيه
و
مصر ام الفلاحين
تحياتي

من طرف ehab في الجمعة ماي 30, 2008 8:43 pm

ههههههههههههههههههههههه وحياااااااااااااااات وربنااااااااااا كلام تحفة وكلام بجد صح ودة مش جديد عليك يا نمر النمور
تحيااااااااااااااتى / moza

من طرف نانيس خطاب في السبت ماي 31, 2008 11:27 am

كلام عميق من قلب رقيق
ولكنى تهت فى هذا المنتدى
مش عارفه فيه غير أسم سامح المتردد بين الشفاه
فأمتلك الفضول لب عقلى
وتسيطر على أنا ملى فوجدتنى أسأل
من هو سامح ؟؟؟؟؟؟
فهل من مجيب
يا ريت المجيب يكون غير سامح
فهل يتكرم شخص بالرد
أنتظره بحرارة وفضول
شكرا لكم
نانيس خطاب

ehab كتب:ههههههههههههههههههههههه وحياااااااااااااااات وربنااااااااااا كلام تحفة وكلام بجد صح ودة مش جديد عليك يا نمر النمور
تحيااااااااااااااتى / moza

شكرا حبيبي موزه واتمنى ترد على اي موضوع باسمك
مش باسم الدكتور ايهاب حتى لايضيع حق مساهمتك
نورت صفحتي المتواضعه حبيبي موزه
تقبل تحياتي

نانيس خطاب كتب:كلام عميق من قلب رقيق
ولكنى تهت فى هذا المنتدى
مش عارفه فيه غير أسم سامح المتردد بين الشفاه
فأمتلك الفضول لب عقلى
وتسيطر على أنا ملى فوجدتنى أسأل
من هو سامح ؟؟؟؟؟؟
فهل من مجيب
يا ريت المجيب يكون غير سامح
فهل يتكرم شخص بالرد
أنتظره بحرارة وفضول
شكرا لكم
نانيس خطاب

اشكرك نانيس لوجودك صفحتي
وان شاء الله تجدي من يجاوبك على سؤالك
لكي مني ارقى التحايا

من طرف **ahmed hassen** في الأحد يونيو 01, 2008 12:23 pm

موضوع جميل يا سامح تقبل تحياتى

سامح هو صاحب الموقع

من طرف **ahmed hassen** في الثلاثاء يونيو 03, 2008 11:38 pm

الموضوع جامد بجد بس
لو انتى عايز عايز تعرفي مين سامح
تعالى بكروة وزورينا على نفس المقع وانا هافكر ارد على
ــــــــــــــــــــــــــــــــــــــــــــــــــــــــــــــــــــــــــ
تحباتى

من طرف ehab في الجمعة يونيو 20, 2008 2:10 am

اللي عااايز يعرف مين هو سااااامح
يقرى موضوعي
في الشعر
تحت عنوااان
يوم في غاااابه النمر
ويقولي احسااااسه بعدهاااا ايه
مع تحياااتي
ايهااااب

ههههههههههههههههههههههههههههههه
اعتقد محدش يعرف سامح غيرى ولا اية يايهاب

من طرف ehab في السبت يونيو 21, 2008 2:46 am

هههههههههههههههههههههههههه
والله وانا ياااا احساااسي بااالحب
ساااامح يستاااهل
كل مااااهو جميل
ايهااااب

المراه محور حياتي

المراه محور حياتي

رد: المراه محور حياتي

رد: المراه محور حياتي

رد: المراه محور حياتي

رد: المراه محور حياتي

رد: المراه محور حياتي

رد: المراه محور حياتي

رد: المراه محور حياتي

رد: المراه محور حياتي

رد: المراه محور حياتي

رد: المراه محور حياتي